Лондоннинг "Челси" клуби марказий ҳужумчиси Лиам Делап жорий мавсум якунида жамоани тарк этиши мумкин. Бу ҳақда "Football Insider" журналистлари хабар бермоқда.

Манба берган маълумотларга кўра, 23 ёшли футболчига Премьер-лиганинг бошқа бир вакили — "Эвертон" жиддий қизиқиш билдирмоқда. "Аристократлар" ўз навбатида Делапни 34 миллион евро (тахминан 30 миллион фунт) эвазига қўйиб юборишга тайёр. "Ирислар" Лиамни ёзги трансфер бозоридаги устувор мақсадларидан бири сифатида белгилаб олишган.

Жорий мавсумда ҳужумчи барча мусобақаларда 24 та ўйинда майдонга тушиб, ўз ҳисобига 2 та гол ва 4 та голли узатмани ёздириб қўйди. Футболчининг лондонликлар билан амалдаги шартномаси 2031 йилнинг ёзигача мўлжалланган.