«Chelsi» — joriy mavsumda APLning eng tartibsiz jamoasi bo‘lib turibdi.
Bugun «Byornli»ga qarshi kechgan bahsda himoyachi Uesli Fofana ikkita sariq kartochka olib, maydonni erta tark etdi.
Londonliklar joriy mavsumda barcha turnirlarni hisobga olganda 8 ta qizil kartochka olishdi. Bu APL klublari uchun 2015/16 yilgi mavsumdan beri qayd etilgan eng yomon natijadir (o‘shanda «Vest Xem» futbolchilari 9 bor maydondan chetlatilgan edi).
Bevosita Premyer-liganing o‘zida «Chelsi» 6 ta qizil kartochka oldi — bu klubning 2007/08 yilgi chempionatda o‘rnatilgan antirekordining takrorlanishidir.
