"Inter" bosh murabbiyi Kristian Kivu Chempionlar Ligasi pley-off bosqichining "Budyo-Glimt"ga qarshi javob o‘yinidan kutganlari bilan o‘rtoqlashdi.

Italiya giganti Norvegiyada bo‘lib o‘tgan birinchi o‘yinda 1:3 hisobida mag‘lub bo‘ldi. To‘qnashuv natijasi 24 fevral, seshanba kuni "San-Siro"da hal qilinadi.

"Biz maksimal ishonch va shiddat bilan o‘ynashimiz kerak - shundan so‘ng vaziyatni o‘zgartira olamiz. Norvegiyada bizda yaxshi imkoniyatlar bo‘ldi, ikki marta darvoza ustuniga to‘p tegdi.

Keyin raqiblarimizning qarshi hujumlarida muammolarga duch keldik - seshanba kuni bunga ehtiyot bo‘lishimiz kerak. Men shunchaki yigitlardan aynan shu kuni eng yaxshi o‘yinlarini ko‘rsatishlarini so‘rayman", dedi Kivu.