«Tottenxem» himoyachisi Mikki van de Ven Londonning «Arsenal» klubiga qarshi kechgan uchrashuv haqida o‘z fikrlarini bildirdi. APLning 27-turidan o‘rin olgan bahs «kanonirlar»ning 4:1 hisobidagi g‘alabasi bilan yakunlandi.

«Menimcha, «Arsenal» umumiy olib qaraganda kuchliroq jamoa edi. Birinchi bo‘limda hisob 1:1 bo‘lib turgan paytda biz hali o‘yinda edik. Keyin ular ikkinchi golni urishdi va shundan so‘ng juda qiyin bo‘lib qoldi. Raqiblar bizga qaraganda ancha ko‘p vaziyatlar yaratishdi», — deya futbolchining so‘zlaridan iqtibos keltiradi Sky Sports.

Yangi murabbiy Tudor haqida:

«U butun hafta davomida biz bilan birga bo‘ldi va o‘z futbolini tatbiq etishga harakat qildi. Biz buning ustida ishladik. Bu uning birinchi haftasi edi, u bizga har tomonlama yordam berishni istayapti. Endi oldinga intilishimiz va «Fulxem»ga qarshi o‘yinga tayyorgarlik ko‘rishimiz kerak».

«Tottenxem» APL turnir jadvalida 29 ochko bilan o‘n oltinchi o‘rinda bormoqda. «Arsenal» esa 61 ochko bilan birinchi o‘rinda.