«Chelsi» hujumchisi Nikolas Jekson APLning boshqa bir top-klubiga o‘tishi mumkin. Senegallik forvardga «Manchester Yunayted» da’vogarlik qilmoqda. Bu haqda TEAMtalk portali xabar bermoqda.
Manbaning ma’lumotlariga ko‘ra, «Chelsi» hozircha Jeksonning narxi borasida bir qarorga kelgani yo‘q. Biroq klub rahbariyati futbolchining omadsiz mavsumini inobatga olgan holda, uning transfer qiymati pasayganini tushunib turibdi.
Eslatib o‘tamiz, Jekson ayni damda ijara asosida «Bavariya»da to‘p tepmoqda. U 2026 yilning yozida «Chelsi»ga qaytadi. «Bavariya» esa futbolchining transferini sotib olish niyatida emas.
