«Челси» ҳужумчиси Николас Жексон АПЛнинг бошқа бир топ-клубига ўтиши мумкин. Сенегаллик форвардга «Манчестер Юнайтед» даъвогарлик қилмоқда. Бу ҳақда TEAMtalk портали хабар бермоқда.
Манбанинг маълумотларига кўра, «Челси» ҳозирча Жексоннинг нархи борасида бир қарорга келгани йўқ. Бироқ клуб раҳбарияти футболчининг омадсиз мавсумини инобатга олган ҳолда, унинг трансфер қиймати пасайганини тушуниб турибди.
Эслатиб ўтамиз, Жексон айни дамда ижара асосида «Бавария»да тўп тепмоқда. У 2026 йилнинг ёзида «Челси»га қайтади. «Бавария» эса футболчининг трансферини сотиб олиш ниятида эмас.
