«Manchester Siti» yarim himoyachisi Bernardu Silva Madridning «Atletiko» klubi qiziqishlari doirasiga tushdi. Bu haqda TeamTalk portali xabar bermoqda.
Madridliklardan tashqari, futbolchiga «Yuventus» va «Barselona» klublari ham da’vogarlik qilmoqda. Shuningdek, Silvaning nomi Saudiya Arabistoni klublari bilan ham bog‘lanmoqda. Yarim himoyachining «Siti» bilan amaldagi shartnomasi shu yozda yakuniga yetadi. Hozirgi vaqtda tomonlar kelishuvni uzaytirish borasida bir to‘xtamga kelishmagan.
Joriy mavsumda Bernardu Silva «Manchester Siti» safida barcha turnirlarda 36 ta o‘yinda maydonga tushib, 2 ta gol urdi va 5 ta golli uzatmani amalga oshirdi.
