«Манчестер Сити» ярим ҳимоячиси Бернарду Силва Мадриднинг «Атлетико» клуби қизиқишлари доирасига тушди. Бу ҳақда TeamTalk портали хабар бермоқда.

Мадридликлардан ташқари, футболчига «Ювентус» ва «Барселона» клублари ҳам даъвогарлик қилмоқда. Шунингдек, Силванинг номи Саудия Арабистони клублари билан ҳам боғланмоқда. Ярим ҳимоячининг «Сити» билан амалдаги шартномаси шу ёзда якунига етади. Ҳозирги вақтда томонлар келишувни узайтириш борасида бир тўхтамга келишмаган.

Жорий мавсумда Бернарду Силва «Манчестер Сити» сафида барча турнирларда 36 та ўйинда майдонга тушиб, 2 та гол урди ва 5 та голли узатмани амалга оширди.