«Everton» o‘z uyida navbatdagi muvaffaqiyatsizlikka uchradi va «Manchester Yunayted»ga minimal hisobda imkoniyatni boy berdi. Shu bilan birga, Devid Moyes shogirdlari o‘yinning katta qismida ustunlik qilishdi, biroq ushbu ustunlikni hech bo‘lmaganda bitta golga aylantira olishmadi. Klub himoyachisi Jerred Brentueyt aynan shu omilni jamoadoshlarining mag‘lubiyatiga asosiy sabab deb hisoblaydi.
«Menimcha, ikkinchi bo‘limda to‘liq ustunlik qildik. Ko‘plab hujumlar uyushtirdik, imkoniyatlar bo‘ldi, ammo ulardan foydalanishda oqsadik. Mana shu jihat ustida butun jamoa bo‘lib ishlashimiz kerak», — deya himoyachining so‘zlaridan iqtibos keltiradi BBC Sport.
Keyingi turda «Everton» «Nyukasl»ga qarshi maydonga tushadi.
