«Эвертон» ўз уйида навбатдаги муваффақиятсизликка учради ва «Манчестер Юнайтед»га минимал ҳисобда имкониятни бой берди. Шу билан бирга, Дэвид Мойес шогирдлари ўйиннинг катта қисмида устунлик қилишди, бироқ ушбу устунликни ҳеч бўлмаганда битта голга айлантира олишмади. Клуб ҳимоячиси Жерред Брэнтуэйт айнан шу омилни жамоадошларининг мағлубиятига асосий сабаб деб ҳисоблайди.
«Менимча, иккинчи бўлимда тўлиқ устунлик қилдик. Кўплаб ҳужумлар уюштирдик, имкониятлар бўлди, аммо улардан фойдаланишда оқсадик. Мана шу жиҳат устида бутун жамоа бўлиб ишлашимиз керак», — дея ҳимоячининг сўзларидан иқтибос келтиради BBC Sport.
Кейинги турда «Эвертон» «Ньюкасл»га қарши майдонга тушади.
