Jahon chempioni Miroslav Kloze futbolchilik faoliyatini yakunlaganining asl sababini ochiqladi. Uning ta’kidlashicha, futbolchilarning dunyoqarashi va ustuvorliklari o‘zgargani sababli, u o‘zi sevgan sport turini tanimay qolgan.

Germaniya terma jamoasi va "Lasio" klubining sobiq hujumchisi o‘z fidoiyligi bilan yosh jamoadoshlarining munosabati o‘rtasidagi keskin farqni tasvirlab berdi.

"Men futbol o‘ynashni to‘xtatdim, chunki uni tanimay qolgandim," — deydi Kloze. "Bugungi yosh o‘yinchilar birinchi navbatda mashinalar, homiylar bilan shartnomalar va yangi butsilari haqida o‘ylashadi. Futbol ular uchun mana shu narsalardan keyingi o‘rinda turadi. Ular uchun o‘z imiji eng muhim narsa. Men uchun esa futbolning sof ko‘rinishidan boshqa hech narsa ahamiyatli emas edi."

Kloze uning hafsalasi pir bo‘lishiga sabab bo‘lgan muayyan holatlarni ham eslab o‘tdi. Masalan, yosh futbolchilar nima uchun u mashg‘ulot anjomlarini o‘zi yig‘ishtirishini yoki jarohatlarning oldini olish uchun muzli vannalardan nega voz kechishini tushunishmagan. Kloze esa bunday intizomli odatlarga faoliyatining so‘nggi kunlarigacha qat’iy rioya qilgan.