Жаҳон чемпиони Мирослав Клозе футболчилик фаолиятини якунлаганининг асл сабабини очиқлади. Унинг таъкидлашича, футболчиларнинг дунёқараши ва устуворликлари ўзгаргани сабабли, у ўзи севган спорт турини танимай қолган.
Германия терма жамоаси ва "Лацио" клубининг собиқ ҳужумчиси ўз фидоийлиги билан ёш жамоадошларининг муносабати ўртасидаги кескин фарқни тасвирлаб берди.
"Мен футбол ўйнашни тўхтатдим, чунки уни танимай қолгандим," — дейди Клозе. "Бугунги ёш ўйинчилар биринчи навбатда машиналар, ҳомийлар билан шартномалар ва янги бутсилари ҳақида ўйлашади. Футбол улар учун мана шу нарсалардан кейинги ўринда туради. Улар учун ўз имижи энг муҳим нарса. Мен учун эса футболнинг соф кўринишидан бошқа ҳеч нарса аҳамиятли эмас эди."
Клозе унинг ҳафсаласи пир бўлишига сабаб бўлган муайян ҳолатларни ҳам эслаб ўтди. Масалан, ёш футболчилар нима учун у машғулот анжомларини ўзи йиғиштиришини ёки жароҳатларнинг олдини олиш учун музли ванналардан нега воз кечишини тушунишмаган. Клозе эса бундай интизомли одатларга фаолиятининг сўнгги кунларигача қатъий риоя қилган.
