"Liverpul"ning sobiq himoyachisi, hozirda esa teleekranlarda futbol eksperti sifatida faoliyat yuritayotgan Jeymi Karrager "Arsenal"ning shvesiyalik markaziy hujumchisi Viktor Dyokeresh haqida o‘z fikrini bildirdi.

"Men uni jahon darajasidagi hujumchi yoki "to‘pchilar" uchun yaqin mavsumlardagi eng yaxshi yechim deb hisoblamayman. Shu bilan birga, uning mentaliteti menga yoqadi. U o‘ziga ishongan o‘yinchi, to‘pni qabul qilib, gol urishni biladi. U qaysidir jihatlari bilan Shirerga o‘xshab ketadi", — deya Karragerning so‘zlaridan iqtibos keltiradi "The Touchline".

Joriy mavsumda skandinaviyalik hujumchi 15 ta gol va 2 ta golli uzatmani amalga oshirdi. Dyokeresh "gol+pas" tizimi bo‘yicha jamoaning eng yaxshi ko‘rsatkichga ega futbolchisi bo‘lib turibdi.