"Ливерпуль"нинг собиқ ҳимоячиси, ҳозирда эса телеэкранларда футбол эксперти сифатида фаолият юритаётган Жейми Каррагер "Арсенал"нинг швециялик марказий ҳужумчиси Виктор Дьёкереш ҳақида ўз фикрини билдирди.

"Мен уни жаҳон даражасидаги ҳужумчи ёки "тўпчилар" учун яқин мавсумлардаги энг яхши ечим деб ҳисобламайман. Шу билан бирга, унинг менталитети менга ёқади. У ўзига ишонган ўйинчи, тўпни қабул қилиб, гол уришни билади. У қайсидир жиҳатлари билан Ширерга ўхшаб кетади", — дея Каррагернинг сўзларидан иқтибос келтиради "The Touchline".

Жорий мавсумда скандинавиялик ҳужумчи 15 та гол ва 2 та голли узатмани амалга оширди. Дьёкереш "гол+пас" тизими бўйича жамоанинг энг яхши кўрсаткичга эга футболчиси бўлиб турибди.