So‘nggi haftalarda Kilian Mbappe noqulaylik bilan o‘ynab kelayotgan edi, endi esa bu kuchli og‘riqqa aylandi. Fransuz «Real»ning yaqin oradagi o‘yinlarini o‘tkazib yuboradi va Mbappening aynan qachon safga qaytishi hozircha noma’lum.
«L’Equipe» nashri sahifalarida Mbappening sog‘lig‘idagi muammolar haqida maqola e’lon qilindi. Unda Kilianning vaziyatida «Real»ning sobiq murabbiyi Xabi Alonso aybdor bo‘lishi mumkinligi aytiladi. Mualliflar hujumchida 2025 yilning so‘nggi kunida aniqlangan jarohatni yodga olishgan.
«Tiklanish uchun kamida uch hafta talab qilinardi. Mbappe esa Xabi Alonsoning «do‘stona bosimi» ostida 11 kundan keyin mashg‘ulotlarga qaytdi. Murabbiy agar jamoa Superkubok finalida «Barselona»ga yutqazib qo‘ysa, uning lavozimi xavf ostida qolishini tushunib turardi», — deyiladi maqolada.
Eslatib o‘tamiz, bugun, 25 fevral chorshanba kuni «Real» o‘z maydonida «Benfika»ni qabul qiladi.
