«football.london» nashrining xabariga ko‘ra, Martin Edegor shu yozda «Arsenal»dan ketish niyatida emas. So‘nggi haftalarda OAVda «kanonirlar» sardori mavsum yakunida yangi klub izlashi haqida xabarlar paydo bo‘lgan edi.
Biroq Edegor o‘zining jismoniy muammolarini yengib o‘tishga va asosiy tarkibdagi muhim rolini qaytarib olishga qat’iy qaror qilgan. Garchi bu mavsum u uchun jarohatlar tufayli biroz omadsiz kechayotgan bo‘lsa-da, norvegiyalik yarim himoyachi jamoasining Premyer-liga chempionligi uchun kurashiga o‘z hissasini qo‘shmoqda. Xususan, o‘tgan dam olish kunlari «Tottenxem»ga qarshi bahsda u zaxiradan maydonga tushib, golli uzatmani amalga oshirdi.
