«football.london» нашрининг хабарига кўра, Мартин Эдегор шу ёзда «Арсенал»дан кетиш ниятида эмас. Сўнгги ҳафталарда ОАВда «канонирлар» сардори мавсум якунида янги клуб излаши ҳақида хабарлар пайдо бўлган эди.
Бироқ Эдегор ўзининг жисмоний муаммоларини енгиб ўтишга ва асосий таркибдаги муҳим ролини қайтариб олишга қатъий қарор қилган. Гарчи бу мавсум у учун жароҳатлар туфайли бироз омадсиз кечаётган бўлса-да, норвегиялик ярим ҳимоячи жамоасининг Премьер-лига чемпионлиги учун курашига ўз ҳиссасини қўшмоқда. Хусусан, ўтган дам олиш кунлари «Тоттенхэм»га қарши баҳсда у захирадан майдонга тушиб, голли узатмани амалга оширди.
