"PSJ" hujumchisi Dezire Due Chempionlar Ligasi pley-offining "Monako"ga qarshi javob o‘yinida (2:2) jamoasining o‘tkazib yuborilgan ikkinchi goliga izoh berdi.
"Albatta, o‘yin oxirida, ular gol urib, o‘sha so‘nggi imkoniyatni qo‘lga kiritganida, asabiylashdik, chindan ham qo‘rqib ketdik. Ammo umuman olganda, biz yana hisobda ortda qolayotganimizga to‘g‘ri munosabatda bo‘ldik va butun jamoa bilan yaxshi o‘ynadik", - deya Duening so‘zlarini keltiradi France24.
Ikki o‘yin natijasiga ko‘ra "PSJ" "Monako"ni mag‘lub etib, Chempionlar Ligasi 1/8 finaliga yo‘l oldi.













