Kuni kecha matbuotda Kilian Mbappening sog‘lig‘i haqida ancha batafsil ma’lumotlar paydo bo‘ldi. Fransiyalik futbolchi so‘nggi haftalarda noqulaylik bilan o‘ynab kelayotgan edi, biroq endi uning tizzasidagi holat yomonlashdi. Natijada Mbappe «Benfika»ga qarshi o‘yinni o‘tkazib yubordi va ma’lum muddatga safdan chiqdi.

«Onda Cero» radiosi jurnalisti Edu Pidalning xabar berishicha, «Real» klubi Mbappening atrofidagi insonlar tomonidan «L’Equipe» gazetasiga ma’lumotlar sizib chiqarilayotganidan norozi.

Darvoqe, «L’Equipe» materialida Mbappening muammolarida Xabi Alonso aybdor bo‘lishi mumkinligi haqida taxmin ilgari surilgan. Ta’kidlanishicha, aynan u futbolchining yanvar oyida muddatidan oldin maydonga qaytishini qo‘llab-quvvatlagan edi.

«Benfika»ga qarshi o‘yindan so‘ng Alvaro Arbeloa Mbappe bir necha kun emas, balki uzoqroq muddatni o‘tkazib yuborishini ma’lum qildi — hujumchiga to‘liq tiklanishi uchun vaqt beriladi.