Italiyalik afsonaviy sobiq darvozabon Janluidji Buffon hozirgi posbonlardan qaysi biri o‘ziga o‘xshashini aytdi.
«Yuventus» va Italiya terma jamoasining sobiq posboni «Atalanta» vakili Marko Karnesekkini alohida qayd etdi. Ushbu darvozabonning nomi anchadan beri top-klubga o‘tish ehtimoli bilan bog‘lab kelinmoqda.
«Karnesekkida o‘zim bilan ko‘plab o‘xshashliklarni ko‘ryapman. Unda yuqori darajadagi darvozabon bo‘lish uchun zarur bo‘lgan qattiqqo‘llik va jasorat bor», — deya Italiya OAVlari Buffonning so‘zlarini keltirmoqda.
Chorshanba kuni Marko Karnesekki «Atalanta»ga Dortmundning «Borussiya» jamoasini mag‘lub etishda (4:1) va birinchi o‘yindagi 0:2 hisobidagi mag‘lubiyatga qaramay, Chempionlar ligasining 1/8 finaliga chiqishda yordam berdi.
