Италиялик афсонавий собиқ дарвозабон Жанлуиджи Буффон ҳозирги посбонлардан қайси бири ўзига ўхшашини айтди.

«Ювентус» ва Италия терма жамоасининг собиқ посбони «Аталанта» вакили Марко Карнесеккини алоҳида қайд этди. Ушбу дарвозабоннинг номи анчадан бери топ-клубга ўтиш эҳтимоли билан боғлаб келинмоқда.

«Карнесеккида ўзим билан кўплаб ўхшашликларни кўряпман. Унда юқори даражадаги дарвозабон бўлиш учун зарур бўлган қаттиққўллик ва жасорат бор», — дея Италия ОАВлари Буффоннинг сўзларини келтирмоқда.

Чоршанба куни Марко Карнесекки «Аталанта»га Дортмунднинг «Боруссия» жамоасини мағлуб этишда (4:1) ва биринчи ўйиндаги 0:2 ҳисобидаги мағлубиятга қарамай, Чемпионлар лигасининг 1/8 финалига чиқишда ёрдам берди.