Jurnalist Nikolo Skiraning xabar berishicha, Mark Kasado "Barselona" bilan shartnomani uzaytirish arafasida turibdi.

Ispaniyalik yarim himoyachining amaldagi shartnomasi 2028 yilning iyun oyida yakuniga yetadi. Ushbu mavsumda Xansi Flik qo‘l ostida asosiy tarkibdagi o‘rnini biroz yo‘qotgani sababli, yozgi transfer oynasi oldidan unga Premyer-liga va Saudiya Arabistoni klublaridan ko‘plab takliflar tushmoqda.

Shunga qaramay, Flik uni o‘z loyihasining asosiy o‘yinchilaridan biri deb hisoblaydi, "Barsa" esa futbolchi bilan kelishuvni 2030 yilgacha uzaytirish ishtiyoqida.

22 yoshli futbolchi joriy mavsumda barcha turnirlarda 25 ta o‘yinda maydonga tushdi. U o‘tgan mavsumda "Barselona"ning mamlakat miqyosidagi "trebl" (uchta sovrin) qayd etishida katta hissa qo‘shgan edi.