Журналист Николо Скиранинг хабар беришича, Марк Касадо "Барселона" билан шартномани узайтириш арафасида турибди.
Испаниялик ярим ҳимоячининг амалдаги шартномаси 2028 йилнинг июнь ойида якунига етади. Ушбу мавсумда Ханси Флик қўл остида асосий таркибдаги ўрнини бироз йўқотгани сабабли, ёзги трансфер ойнаси олдидан унга Премьер-лига ва Саудия Арабистони клубларидан кўплаб таклифлар тушмоқда.
Шунга қарамай, Флик уни ўз лойиҳасининг асосий ўйинчиларидан бири деб ҳисоблайди, "Барса" эса футболчи билан келишувни 2030 йилгача узайтириш иштиёқида.
22 ёшли футболчи жорий мавсумда барча турнирларда 25 та ўйинда майдонга тушди. У ўтган мавсумда "Барселона"нинг мамлакат миқёсидаги "требл" (учта соврин) қайд этишида катта ҳисса қўшган эди.
