Safarda «Atletiko»dan qabul qilingan 0:4 hisobidagi mag‘lubiyatdan so‘ng, «Barselona» uchun Ispaniya Kubogi finaliga chiqish juda qiyin bo‘ladi. Shunga qaramay, kataloniyaliklar bosh murabbiyi Xans-Diter Flik muvaffaqiyatga ishonmoqda.
«Bu qiyin, ammo iloji bor. Biz ishonishimiz kerak — eng muhimi shu. Bunda «Kamp Nou»ning roli katta bo‘ladi. Agar biz birdam bo‘lsak, o‘z stadionimizda hamma narsani amalga oshirish mumkin», — dedi Flik «Barselona» klub telekanaliga bergan intervyusida.
«Barselona» va «Atletiko» o‘rtasidagi javob uchrashuvi seshanba kuni, 3 mart kuni bo‘lib o‘tadi. O‘yin Toshkent vaqti bilan tungi soat 01:00 da (4 martga o‘tar kechasi) boshlanadi.
Ungacha esa «Barselona» navbatdagi o‘yinini 28 fevral kuni La Liga doirasida «Vilyarreal»ga qarshi o‘tkazadi.
