Kuni kecha "Barselona" klubi yarim himoyachi Frenki de Yongning lazaretga tushganini e’lon qildi. Niderlandiyalik futbolchi jarohat oldi va uning tiklanishi taxminan besh-olti hafta davom etadi.
The Touchline nashrining futbolchiga yaqin manbalarga tayanib xabar berishicha, de Yong tiklanish jarayonida hatto eng kichik tavakkalchilikka ham yo‘l qo‘ymoqchi emas. Bu Frenkining Niderlandiya terma jamoasi safida Jahon chempionatida ishtirok etish istagi bilan bog‘liq.
2024 yilning yozida de Yong jarohati sababli Yevropa chempionatini o‘tkazib yuborgan edi, shuning uchun endi mundialda qatnashish futbolchi uchun ustuvor vazifa hisoblanadi. 28 yoshli de Yong faqat o‘zini jismoniy jihatdan 100 foiz tayyor his qilganidagina "Barselona" uchun maydonga tushadi.
