Куни кеча "Барселона" клуби ярим ҳимоячи Френки де Йонгнинг лазаретга тушганини эълон қилди. Нидерландиялик футболчи жароҳат олди ва унинг тикланиши тахминан беш-олти ҳафта давом этади.

The Touchline нашрининг футболчига яқин манбаларга таяниб хабар беришича, де Йонг тикланиш жараёнида ҳатто энг кичик таваккалчиликка ҳам йўл қўймоқчи эмас. Бу Френкининг Нидерландия терма жамоаси сафида Жаҳон чемпионатида иштирок этиш истаги билан боғлиқ.

2024 йилнинг ёзида де Йонг жароҳати сабабли Европа чемпионатини ўтказиб юборган эди, шунинг учун энди мундиалда қатнашиш футболчи учун устувор вазифа ҳисобланади. 28 ёшли де Йонг фақат ўзини жисмоний жиҳатдан 100 фоиз тайёр ҳис қилганидагина "Барселона" учун майдонга тушади.