"Manchester Siti" Erling Xolandsiz "Lids" ustidan g‘alaba qozondi (1:0). Yulduz forvard mashg‘ulot paytida olgan jarohati sababli Premyer-liganing shanba kungi bahsini o‘tkazib yubordi. Uchrashuv yakunlangach, jurnalistlar "shaharliklar" bosh murabbiyi Xosep Gvardioladan yana bir bor norvegiyalik futbolchi haqida so‘rashdi.
"Uning qachon qaytishini bilmayman. Xolandning tezroq safga qaytishini istardim. Mashg‘ulot markazimizda ma’lumot tashuvchi ayg‘oqchilar yo‘q, lekin nazarimda, muammo u qadar jiddiy emas", — dedi Gvardiola "BBC"ga bergan intervyusida.
"Manchester Siti"ning "Lids"ga qarshi bahsidagi yagona goliga Antuan Semenyo mualliflik qildi.













