«Barselona»ning sobiq futbolchisi Serxi Roberto jamoaning joriy mavsumdagi ishtiroki haqida o‘z fikrlari bilan o‘rtoqlashdi.
Ispaniyalik futbolchi 2024 yilning yozida «ko‘k-anorranglilar» safini tark etib, Italiyaning «Komo» klubiga o‘tgan edi va hozirga qadar o‘sha yerda to‘p surmoqda.
«Men «Barselona»ning birorta o‘yinini o‘tkazib yubormayman. O‘ylaymanki, jamoada hammasi yaxshi bo‘ladi. O‘tgan mavsum ko‘plab qo‘lga kiritilgan sovrinlar va yorqin o‘yinlar evaziga aql bovar qilmaydigan darajada o‘tdi. Hozir ham «Barsa» barcha turnirlarda kurashni davom ettirmoqda. To‘g‘ri, Ispaniya Kubogi yarim finalining dastlabki uchrashuvi [«Atletiko» bilan, 0:4] biz kutgandek kechmadi, ammo bu jamoaga ishonish kerak, chunki u nimalarga qodirligini allaqachon ko‘rsatib bo‘lgan. Umuman olganda, «Barselona»da ishlar yaxshi ketayotganidan xursandman», — deya Serxi Robertoning so‘zlarini keltirmoqda Ispaniya OAVlari.
3 mart kuni Xans-Diter Flik shogirdlari «Atletiko»ga qarshi javob uchrashuvini o‘tkazishadi.
