«Барселона»нинг собиқ футболчиси Серхи Роберто жамоанинг жорий мавсумдаги иштироки ҳақида ўз фикрлари билан ўртоқлашди.
Испаниялик футболчи 2024 йилнинг ёзида «кўк-анорранглилар» сафини тарк этиб, Италиянинг «Комо» клубига ўтган эди ва ҳозирга қадар ўша ерда тўп сурмоқда.
«Мен «Барселона»нинг бирорта ўйинини ўтказиб юбормайман. Ўйлайманки, жамоада ҳаммаси яхши бўлади. Ўтган мавсум кўплаб қўлга киритилган совринлар ва ёрқин ўйинлар эвазига ақл бовар қилмайдиган даражада ўтди. Ҳозир ҳам «Барса» барча турнирларда курашни давом эттирмоқда. Тўғри, Испания Кубоги ярим финалининг дастлабки учрашуви [«Атлетико» билан, 0:4] биз кутгандек кечмади, аммо бу жамоага ишониш керак, чунки у нималарга қодирлигини аллақачон кўрсатиб бўлган. Умуман олганда, «Барселона»да ишлар яхши кетаётганидан хурсандман», — дея Серхи Робертонинг сўзларини келтирмоқда Испания ОАВлари.
3 март куни Ханс-Дитер Флик шогирдлари «Атлетико»га қарши жавоб учрашувини ўтказишади.
