«Real Madrid» bosh murabbiyi Alvaro Arbeloa Jahon chempionati oldidan o‘zlarini ehtiyot qilayotgan futbolchilarni tushunmasligini ma’lum qildi.
«Men doimo bir narsani tushunganman — o‘z klubing uchun boringni berishing kerak. Terma jamoaga borganingda esa, o‘z mamlakating uchun bor kuching bilan o‘ynashing lozim.
Kuchni tejaydigan, to‘qnashuvlardan qochadigan, jarohat olishdan qo‘rqadigan yoki hozirgi holatda «Real» uchun bor kuchini berishdan boshqa narsani o‘ylaydigan futbolchilarni tushunmayman. O‘z klubing safida yuqori darajadagi o‘yin ko‘rsatishdan ko‘ra yaxshiroq tayyorgarlik yo‘li yo‘q. Men futbolchilardan aynan shuni kutaman», — dedi Arbeloa.
