"Manchester Yunayted" yarim himoyachisi va jamoa sardori Brunu Fernandesh kelasi yozda klub vakillari bilan uchrashib, o‘z kelajagini muhokama qilishni rejalashtirmoqda. «Qizil iblislar»ga yaqin manbalar fikricha, 31 yoshli xavbek jamoani tark etishni istamaydi. Bu haqda TEAMtalk xabar berdi.

«Brunu — jamoaning muhim furasi, bu sir emas. U Maykl Kerrik jamoasida markaziy rolni bajarayotganini ko‘rish mumkin. U Kerrik rahbarligida ishlashni yoqtiradi, o‘z rolini qabul qilgan va klub ham undan juda mamnun», — dedi TEAMtalk’ka vaziyatdan xabardor manba.

Joriy mavsumda portugaliyalik futbolchi barcha musobaqalarda 27 ta o‘yinda ishtirok etib, yettita gol va 14 ta samarali uzatma muallifi bo‘ldi. Uning klub bilan amaldagi shartnomasi 2027 yil yoziga qadar mo‘ljallangan. Transfermarkt portali ma’lumotiga ko‘ra, futbolchining bozor qiymati 40 million yevroni tashkil qiladi.