«PSJ» yarim himoyachisi Vitinya o‘z pozisiyadoshlari orasida dunyoning eng yaxshi futbolchisi kimligini aytdi.

«Men Pedrini birinchi o‘ringa qo‘ygan bo‘lardim. U — sehrli. Uning o‘yinini kuzatish — zavqli tomosha. Unga qarshi o‘ynaganingizda uni yanada yaxshiroq tushuna boshlaysiz.

Mening kuchli uchligimmi? Men Joau Nevesh va Brunu Fernandeshni aytgan bo‘lardim. Ularning ikkalasi ham men va Pedrining yonida harakat qilishadi. Shunday ekan, menda kuchli uchlik emas, balki kuchli to‘rtlik bor», — deya Vitinyaning so‘zlarini keltiradi The Touchline.

Eslatib o‘tamiz, juma kuni, 6 mart kuni «PSJ» Fransiya chempionati doirasida o‘z maydonida «Monako»ga qarshi bahs olib boradi. Shundan so‘ng parijliklar Chempionlar ligasi doirasida «Chelsi»ga qarshi bo‘ladigan uy uchrashuviga tayyorgarlikni boshlashadi.