«ПСЖ» ярим ҳимоячиси Витинья ўз позициядошлари орасида дунёнинг энг яхши футболчиси кимлигини айтди.
«Мен Педрини биринчи ўринга қўйган бўлардим. У — сеҳрли. Унинг ўйинини кузатиш — завқли томоша. Унга қарши ўйнаганингизда уни янада яхшироқ тушуна бошлайсиз.
Менинг кучли учлигимми? Мен Жоау Невеш ва Бруну Фернандешни айтган бўлардим. Уларнинг иккаласи ҳам мен ва Педрининг ёнида ҳаракат қилишади. Шундай экан, менда кучли учлик эмас, балки кучли тўртлик бор», — дея Витиньянинг сўзларини келтиради The Touchline.
Эслатиб ўтамиз, жума куни, 6 март куни «ПСЖ» Франция чемпионати доирасида ўз майдонида «Монако»га қарши баҳс олиб боради. Шундан сўнг парижликлар Чемпионлар лигаси доирасида «Челси»га қарши бўладиган уй учрашувига тайёргарликни бошлашади.
