5 mart kuni «Inter Mayami» klubi o‘yinchilari va vakillari MLS Kubogidagi g‘alabalarini nishonlash uchun Oq uyga tashrif buyurdilar. AQSH Prezidenti Donald Tramp sportchilarni rasmiy marosimda qutladi. Biroq, klub hammuassislaridan biri, Angliya terma jamoasining sobiq a’zosi Devid Bekxem ushbu tadbirda ishtirok etmadi.
Qayd etilishicha, Bekxemning yo‘qligi hech qanday siyosiy sabablar bilan bog‘liq emas. CNN xabariga ko‘ra, u oilaviy sharoit tufayli Yevropada qolgan. Bekxem rafiqasi Viktoriyaning modalar namoyishida uni qo‘llab-quvvatlashga qaror qilib, oilaviy manfaatlarni birinchi o‘ringa qo‘ygan.
Vashingtonga uyushtirilgan ushbu tashrif MLSga atigi 6 yil avval qo‘shilgan va shu qisqa vaqt ichida ichki arenada 3 ta sovrinni qo‘lga kiritgan klubning shiddatli o‘sishini yana bir bor namoyish etdi.
