«Real» hujumchisi Kilian Mbappe, katta ehtimol bilan, ispaniyalik aktrisa Ester Ekspozito bilan munosabatda. Juftlik yaqinda Madriddagi barlardan birida birga ko‘rinish bergan.

Kilian va Ester quchoqlashib, vaqtni quvnoq o‘tkazishgan. Bu haqda AQABABE nashri xabar tarqatdi.

Futbolchi va aktrisaning juftlik ekanligi haqida rasman ma’lum qilinmagan, biroq bu boradagi mish-mishlar ilk bor 2019 yilda paydo bo‘lgan edi.

Mbappe ayni damda jarohatidan tiklanish jarayonini o‘tamoqda. Kuni kecha hujumchi Parijga tashrif buyurdi. Joriy mavsumda Kilian Ispaniya chempionatida 23 ta o‘yinda ishtirok etib, 23 ta gol va 4 ta golli uzatmani o‘z hisobiga yozib qo‘ygan.