«Реал» ҳужумчиси Килиан Мбаппе, катта эҳтимол билан, испаниялик актриса Эстер Экспозито билан муносабатда. Жуфтлик яқинда Мадриддаги барлардан бирида бирга кўриниш берган.
Килиан ва Эстер қучоқлашиб, вақтни қувноқ ўтказишган. Бу ҳақда AQABABE нашри хабар тарқатди.
Футболчи ва актрисанинг жуфтлик эканлиги ҳақида расман маълум қилинмаган, бироқ бу борадаги миш-мишлар илк бор 2019 йилда пайдо бўлган эди.
Мбаппе айни дамда жароҳатидан тикланиш жараёнини ўтамоқда. Куни кеча ҳужумчи Парижга ташриф буюрди. Жорий мавсумда Килиан Испания чемпионатида 23 та ўйинда иштирок этиб, 23 та гол ва 4 та голли узатмани ўз ҳисобига ёзиб қўйган.
