Madridning «Real» klubi hujumchisi Vinisius Junior «Selta» ustidan qozonilgan g‘alabadan (2:1) so‘ng o‘z formasini baholadi.
Braziliyalik futbolchi bu safar samarali harakatlar bilan ajralib turmagan bo‘lsa-da, odatdagidek hujum chizig‘ida eng ko‘zga ko‘ringan figuralardan biri bo‘ldi.
«Hozir hayotimdagi eng yaxshi sport formasida ekanimni his qilyapman. Ushbu darajani saqlab qolish uchun jamoadoshlarim va texnik xodimlar bilan tinimsiz mehnat qilyapman. Raqib darvozasi oldida o‘zimga bo‘lgan ishonchim yuqori, ham hujumda, ham mudofaada jamoaga yordam berish uchun kuchim yetarli. «Real» muvaffaqiyatlariga o‘z hissamni qo‘sha olayotganimdan xursandman», — dedi jurnalistlar bilan suhbatda Vinisius.
Uchrashuvda gollarga mualliflik qilgan Orelyen Tchuameni va Federiko Valverde mos ravishda 11 va 95-daqiqalarda raqib darvozasini ishg‘ol etishdi.
