Мадриднинг «Реал» клуби ҳужумчиси Винисиус Жуниор «Сельта» устидан қозонилган ғалабадан (2:1) сўнг ўз формасини баҳолади.

Бразилиялик футболчи бу сафар самарали ҳаракатлар билан ажралиб турмаган бўлса-да, одатдагидек ҳужум чизиғида энг кўзга кўринган фигуралардан бири бўлди.

«Ҳозир ҳаётимдаги энг яхши спорт формасида эканимни ҳис қиляпман. Ушбу даражани сақлаб қолиш учун жамоадошларим ва техник ходимлар билан тинимсиз меҳнат қиляпман. Рақиб дарвозаси олдида ўзимга бўлган ишончим юқори, ҳам ҳужумда, ҳам мудофаада жамоага ёрдам бериш учун кучим етарли. «Реал» муваффақиятларига ўз ҳиссамни қўша олаётганимдан хурсандман», — деди журналистлар билан суҳбатда Винисиус.

Учрашувда голларга муаллифлик қилган Орельен Тчуамени ва Федерико Вальверде мос равишда 11 ва 95-дақиқаларда рақиб дарвозасини ишғол этишди.