«Yuventus» markaziy himoyachisi Pyer Kalyulyu Angliya Premyer-ligasining ikki grandi nazariga tushdi.
25 yoshli futbolchini «Liverpul» va «Manchester Yunayted» kuzatib bormoqda, deb xabar beradi jurnalist Ekrem Konur. Har ikki klub fransiyalik futbolchining qobiliyatini yuqori baholamoqda va kelayotgan yozda uni sotib olish imkoniyatini ko‘rib chiqmoqda.
«Yuventus» Pyer Kalyulyuni joriy mavsum boshlanishidan oldin «Milan»dan 14 million yevro evaziga sotib olgan edi. Futbolchining «keksa sinyora» bilan amaldagi mehnat shartnomasi 2029 yilning o‘rtalariga qadar mo‘ljallangan. Mashhur Transfermarkt portali mutaxassislari markaziy himoyachining qiymatini 28 million yevroga baholamoqda.
