Madridning «Real» klubi yarim himoyachisi Federiko Valverde «Manchester Siti»ga qarshi o‘yinda o‘zining to‘purarlik qobiliyatini namoyish etdi.
Urugvaylik futbolchi Chempionlar Ligasi 1/8 finali doirasidagi uy uchrashuvida «shaharliklar» darvozasini uch bor ishg‘ol qildi. Xavbek 20, 27 va 42-daqiqalarda Janluiji Donnarummani ranjitdi. Bu 27 yoshli yarim himoyachining faoliyatidagi ilk xet-trikdir. Uning bungachagi eng yaxshi ko‘rsatkichi 2023 yilgi Klublar o‘rtasidagi jahon chempionatida «Al-Hilol»ga qarshi o‘yinda qayd etgan dubli edi.
E’tiborli jihati shundaki, Valverde «Manchester Siti» bilan o‘yinning atigi bir bo‘limida joriy mavsumdagi avvalgi 38 ta uchrashuvda urgan gollariga teng miqdorda gol urishga muvaffaq bo‘ldi.
