Мадриднинг «Реал» клуби ярим ҳимоячиси Федерико Вальверде «Манчестер Сити»га қарши ўйинда ўзининг тўпурарлик қобилиятини намойиш этди.

Уругвайлик футболчи Чемпионлар Лигаси 1/8 финали доирасидаги уй учрашувида «шаҳарликлар» дарвозасини уч бор ишғол қилди. Хавбек 20, 27 ва 42-дақиқаларда Жанлуижи Доннаруммани ранжитди. Бу 27 ёшли ярим ҳимоячининг фаолиятидаги илк хет-трикдир. Унинг бунгачаги энг яхши кўрсаткичи 2023 йилги Клублар ўртасидаги жаҳон чемпионатида «Ал-Ҳилол»га қарши ўйинда қайд этган дубли эди.

Эътиборли жиҳати шундаки, Вальверде «Манчестер Сити» билан ўйиннинг атиги бир бўлимида жорий мавсумдаги аввалги 38 та учрашувда урган голларига тенг миқдорда гол уришга муваффақ бўлди.