Londonning «Arsenal» klubi yarim himoyachisi Martin Edegor Madridning «Real» klubi qiziqishlari doirasiga tushdi. «To‘pchilar» sardorining o‘yinida pasayish kuzatilayotgani va klub foyda ko‘rish maqsadida qimmatbaho o‘yinchilaridan birini sotishni rejalashtirayotgani haqidagi xabarlar fonida, uning jamoadan ketishi borasidagi gap-so‘zlar tinmayapti.

Football Transfers nashrining xabariga ko‘ra, ilgari madridliklar safida to‘p surgan 27 yoshli futbolchini sotib olishga «Real» qiziqish bildirmoqda. Shunga qaramay, «Arsenal»ga yaqin manbalar xavbek bilan xayrlashish borasidagi farazlarni rad etishmoqda. Edegorning o‘zi ham jamoadan ketish ishtiyoqida emas va kelajagini London klubi bilan bog‘lashga tayyor.

Transfermarkt portali bahosiga ko‘ra, futbolchining narxi 60 mln yevroni tashkil etadi.