Milanning «Inter» klubida to‘p surayotgan markaziy himoyachi Alessandro Bastoni yozgi transfer oynasida klub ro‘yxatini o‘zgartirishi mumkin.

«La Gazzetta dello Sport» jurnalistlarining ma’lumotlariga ko‘ra, Italiya klubi rahbariyati yulduz futbolchisi bilan ma’lum bir summa evaziga xayrlashishga tayyor. «Neradzurri» markaziy himoyachining sotuvidan 70 million yevro ishlab olishni rejalashtirmoqda.

Italiyalik futbolchiga da’vogarlar orasida Kataloniyaning «Barselona», «Liverpul» va Londonning «Chelsi» klublari nomlari qayd etilgan.

Italiya chempionatining joriy mavsumida 26 yoshli himoyachi 24 ta o‘yinda maydonga tushib, o‘z hisobiga bitta gol va to‘rtta golli uzatmani yozdirib qo‘ydi.