Миланнинг «Интер» клубида тўп сураётган марказий ҳимоячи Алессандро Бастони ёзги трансфер ойнасида клуб рўйхатини ўзгартириши мумкин.
«La Gazzetta dello Sport» журналистларининг маълумотларига кўра, Италия клуби раҳбарияти юлдуз футболчиси билан маълум бир сумма эвазига хайрлашишга тайёр. «Нерадзурри» марказий ҳимоячининг сотувидан 70 миллион евро ишлаб олишни режалаштирмоқда.
Италиялик футболчига даъвогарлар орасида Каталониянинг «Барселона», «Ливерпуль» ва Лондоннинг «Челси» клублари номлари қайд этилган.
Италия чемпионатининг жорий мавсумида 26 ёшли ҳимоячи 24 та ўйинда майдонга тушиб, ўз ҳисобига битта гол ва тўртта голли узатмани ёздириб қўйди.
