"Real" bosh murabbiyi Alvaro Arbeloa Chempionlar Ligasida "Manchester Siti"ga qarshi bo‘ladigan javob o‘yinini o‘ylab, La Liga doirasidagi "Elche" bilan bahsda futbolchilarga dam berish niyatida emas.
"Ertaga g‘alaba qozonish uchun iloji boricha eng kuchli tarkibni maydonga tushiramiz. Men boshqa hech narsa haqida o‘ylayotganim yo‘q. Futbolchilar har bir o‘yindan so‘ng maydonni bor kuchlarini berib tark etishlari kerak — bu ularning ishi. Ertaga ular xuddi chorshanba kuni bo‘lganidek jang qilishga tayyor bo‘lishlari shart. Mening ixtiyorimda faqat maydonga tushish uchun qo‘l ko‘taradigan va o‘ynashni istaydigan futbolchilar bor. Biz ertaga g‘alaba qozonishdan boshqa narsani o‘ylamayapmiz", — dedi Arbeloa matbuot anjumanida.
"Real" va "Elche" o‘rtasidagi uchrashuv 14 mart kuni Toshkent vaqti bilan soat 01:00 da boshlanadi.
