"Реал" бош мураббийи Альваро Арбелоа Чемпионлар Лигасида "Манчестер Сити"га қарши бўладиган жавоб ўйинини ўйлаб, Ла Лига доирасидаги "Эльче" билан баҳсда футболчиларга дам бериш ниятида эмас.
"Эртага ғалаба қозониш учун иложи борича энг кучли таркибни майдонга туширамиз. Мен бошқа ҳеч нарса ҳақида ўйлаётганим йўқ. Футболчилар ҳар бир ўйиндан сўнг майдонни бор кучларини бериб тарк этишлари керак — бу уларнинг иши. Эртага улар худди чоршанба куни бўлганидек жанг қилишга тайёр бўлишлари шарт. Менинг ихтиёримда фақат майдонга тушиш учун қўл кўтарадиган ва ўйнашни истайдиган футболчилар бор. Биз эртага ғалаба қозонишдан бошқа нарсани ўйламаяпмиз", — деди Арбелоа матбуот анжуманида.
"Реал" ва "Эльче" ўртасидаги учрашув 14 март куни Тошкент вақти билан соат 01:00 да бошланади.
