«Manchester Yunayted» xo‘jayinlaridan biri bo‘lgan Jim Retkliff Maykl Karrikning «qizil iblislar» bosh murabbiyi lavozimidagi faoliyati haqida o‘z fikrini bildirdi.

Eslatib o‘tamiz, ingliz mutaxassisi yanvar oyida Ruben Amorim iste’foga chiqarilganidan so‘ng mankunianliklarni qabul qilib olgan edi. Kerrik qo‘l ostida «Manchester Yunayted» APL doirasidagi sakkizta uchrashuvning oltitasida g‘alaba qozondi.

«U ishini a’lo darajada bajarmoqda. Qachon u doimiy lavozimga tayinlanadi? Bu haqda gapirmay qo‘ya qolaylik», — deya Retkliffning so‘zlarini keltiradi «Sky Sports».

29 ta turdan so‘ng Kerrik jamoasi o‘z hisobida 51 ochko bilan turnir jadvalida uchinchi o‘rinni egallab turibdi.