Braziliya terma jamoasi bosh murabbiyi Karlo Anchelotti 2013-2015, shuningdek, 2021-2025 yillarda faoliyat yuritgan Madridning "Real" klubi haqida o‘z fikrlarini bildirdi.

"Mening "Real"dagi juda uzoq davom etgan davrim haqida fantastik xotiralarim va klubga hamda u yerda ishlaydigan insonlarga nisbatan favqulodda bog‘liqligim bor. Hozirda men boshqa loyihada ishtirok etyapman va uni ham xuddi shunday shiddat bilan boshdan kechiryapman. "Real" o‘yin o‘tkazayotgan vaqtda men uni doim tomosha qilaman. Bu nafaqat u yerdagi braziliyaliklarni ko‘rish uchun, balki jamoani qo‘llab-quvvatlash va uning g‘alabasini ko‘rish uchun hamdir", — deya Anchelottining so‘zlarini Marca nashri keltirmoqda.

Joriy mavsumda Ispaniya chempionatining 28 ta o‘yinidan so‘ng "Real" 66 ochko jamg‘argan holda turnir jadvalida ikkinchi o‘rinni egallab turibdi va peshqadam "Barselona"dan to‘rt ochkoga ortda qolmoqda.