Бразилия терма жамоаси бош мураббийи Карло Анчелотти 2013-2015, шунингдек, 2021-2025 йилларда фаолият юритган Мадриднинг "Реал" клуби ҳақида ўз фикрларини билдирди.
"Менинг "Реал"даги жуда узоқ давом этган даврим ҳақида фантастик хотираларим ва клубга ҳамда у ерда ишлайдиган инсонларга нисбатан фавқулодда боғлиқлигим бор. Ҳозирда мен бошқа лойиҳада иштирок этяпман ва уни ҳам худди шундай шиддат билан бошдан кечиряпман. "Реал" ўйин ўтказаётган вақтда мен уни доим томоша қиламан. Бу нафақат у ердаги бразилияликларни кўриш учун, балки жамоани қўллаб-қувватлаш ва унинг ғалабасини кўриш учун ҳамдир", — дея Анчелоттининг сўзларини Marca нашри келтирмоқда.
Жорий мавсумда Испания чемпионатининг 28 та ўйинидан сўнг "Реал" 66 очко жамғарган ҳолда турнир жадвалида иккинчи ўринни эгаллаб турибди ва пешқадам "Барселона"дан тўрт очкога ортда қолмоқда.
