Leverkuzenning «Bayer» klubi bosh murabbiyi Kasper Yulmann Chempionlar Ligasi 1/8 finali doirasida Londonning «Arsenal» jamoasiga qarshi bo‘lib o‘tadigan javob uchrashuvi oldidan o‘z kutilmalari bilan o‘rtoqlashdi.

Bir hafta oldin Germaniyada bo‘lib o‘tgan bahsda jamoalar murosa ko‘chasini tanlashgan edi (1:1). Yulmann «dorishunoslar»ning Leverkuzendagi o‘yinini yuqori baholadi.

«Birinchi o‘yinda biz ularga deyarli hech qanday imkoniyat qoldirmadik. Javob uchrashuvida ham xuddi shunday ustunlik qilishga harakat qilamiz», — deya mutaxassisning so‘zlaridan iqtibos keltirmoqda UEFA matbuot xizmati.

U «Bayer» albatta kerakli natijaga erishishi va chorak finalga yo‘l olishiga ishonch bildirdi.